狗仔粉奪米芝蓮　80後煮出兒時回憶

狗仔粉（又名粉仔）在七、八十年代，是不少「屋邨仔」的美食。80後張顥曦憑兒時的味覺回憶「重振」狗仔粉，開店兩年就奪得米芝蓮推介，更獲上市公司垂青，計劃將本土美食推向全國。

兩年前的一天，張顥曦在家百無聊賴，忽然想起兒時屋邨美食「狗仔粉」，於是到街市買齊材料，落手落腳煮出回憶中的味道。在朋友鼓勵下，他毅然在佐敦租下不足200呎的店鋪，開始經營，

覺得十八座呢個名好有屋邨味。初期只賣狗仔粉及火鴨翅，真是膽粗粗。

▲ 狗仔粉用冬菇、蝦米、豬油渣，煲45分鐘、再焗45分鐘煮成，湯汁比較稠，麵質比較滑。冼偉倫攝

湯汁夠濃香 麵滑有咬口

其實狗仔粉是甚麼？

好似油渣麵，不過同料不同湯，用冬菇、蝦米、豬油渣，煲45分鐘、再焗45分鐘煮成，湯汁比較稠，麵質比較滑。

顥曦如同唸急口令般熟練地介紹。他形容，入口時覺得滑，但不會太腍，滑入口後又會有咬口，而且湯料味道滲入粉內，好鮮味。

火鴨翅是店舖的另一招牌菜，「用四隻燒鴨煲足六小時，每鍋只有30碗左右。」未入口，已經聞到很香的鴨味，絕對是真材實料。

他說，店舖的配料及調味料都「不是街邊貨」，如「燒賣的豉油調過比例，用中式方法爆香，菜脯亦有加工。」顥曦對自己的食物充滿信心：

好老實講，我全間店所有食物都好食。

▲ 張顥曦說，店內的配料及調味料都「不是街邊貨」，菜脯亦有加工。冼偉倫攝

從不諳煮食 到爐火純青

從前他不懂煮食，但憑着練習與心思，就可做到。他舉例，

狗仔粉易學但要有心去做，因為時間很重要，要用眼、感覺去掌握，烹調時間太長粉會過淋，時間唔夠又唔滑和太硬。

現時他們在全港有5間分店，上市公司新煮意控股昨（16日）發公布指，擬收購該店5家香港餐館，出價待定，並已簽署不具法律約束力的諒解備忘錄。張顥曦透露，獲選米芝蓮前已與對方洽談打入內地，至於本港分店，他說：

會唔會賣都唔知，睇時勢，自己做到就自己做，人哋做得到就一齊做。

▲ 目前十八座狗仔粉已獲公司洽購，未來可能會打進內地市場。冼偉倫攝

忙到天光 日睡3小時

開店初期，因食物烹調需時，張顥曦至少要早2小時回店準備，但由於晚上凌晨3、4時仍有客人，

有生意我又唔敢唔做，最後一單做到5點，洗碗、清潔完都已天光。

他回想，當時有約1年的時間每日只睡3、4個小時。

原文刊於《晴報》標題經TOPick 編輯修改，原題為「米芝蓮變潮物 煮出十八座回憶」